من طرف يا حزين يا قمقم تحت بحر الضياع
حزين انا زيك واية مستطاع
الحزن مبقالهوش جلال يا جدع
الحزن زى البرد زى الصداع
وعجبى
فى يوم صحيت شاعر براحة وصفا
الهم زال والحزن راح واختفى
خدنى العجب ..وسالت روحى سؤال
انا مت ولا وصلت للفلسفة
وعجبى
على بعد مليون ميل من ارضنا
من الفراغ الكونى بصيت انا
لا شفت فرق بين جبال وبحور
ولا شفت فرق مابين عزاب او هنا
وعجبى
انسان ..يا انسان ما اجهلك
مااتفهك فى الكون وما اضالك
شمس وقمر وسدوم وملايين نجوم
وفاكرها يا موهوم مخلوقة لك
وعجبى
السم لو فى الدوا منين يضر ؟
والموت لو عدونا منين يسر؟
حط القلم فى الحبر واكتب كمان
..والعبد للشهوات..منين هو حر؟
وعجبى
وقفت بين شطين على قنطرة
الكدب فين والصدق فين يا ترى
محتار ح اموت..الحوت خرج لى وقال
هو الكلام يتقـــــــــاس بالمسطـرة
وعجبى
كروان جريح مضروب شعاع من القمر
سقط من السموات ..فؤادة انكسر
جريت علية قطة علشان تبلعة
اتارية خيال شعراء وملهوش اثر
وعجبى
كيف شفت قلبى والنبى يا طبيب
همد ومات.. ولا سامع لة دبيب
قاللى لقيتة مختنق بالدموع
ومالوش دوا غير لمسة من ايد حبيب
وعجبى
تسلم يا غصن الخوخ ..يا عود الحطب
ييجى الربيع..تطلع زهورك عجب!
وانا لية بيمضى ربيع وييجى ربيع
ولسة برضك قلبى حتة خشـــــــب
وعجبى
دخل الشتا وقفل البيبان ع البيوت
وجعل شعاع الشمس خيط عنكبوت
وحاجات كتير بتموت فى ليل الشتا
لكن حاجات اكتر بترفض تمــــــــــوت
وعجبى
الدنيا من غير الربيع ميتـــــــــــــة
ورقة شجر ضعفانة ومفتفتـــــــــة
-لا يا جدع غلطان... تامل وشوف
زهر الشتا طالع فى عز الشتــــــــا
وعجبى
يا اللى انت بيتك قش مفروش بريش
تقوى علية الريح..يصبح مفيش
عجبى عليك حواليك مخالب كبار
ومالكش غير منقار وقادر تعيش
******
انا شاب لكن عمرى الف عام
وحيد لكن بين ضلوعى زحام
خايف لكن خوفى منى انا
اخرس لكن قلبى مليان كلام
وعجبى
ياباب يا مقفول ...امتى الدخول
صبرت ياما واللى يصبر ينول
دقيت سنين .. والرد يرجع لى:ميــــــن
لو كنت عارف مين انا كنت اقول
وعجبى
لية يا حبيبتى مابينا دايما سفر
دة البعد زنب كبير لا يغتفر
لية يا حبيبتى مابينا دايما بحور
اعدى بحر الاقى غيرة انحفر
وعجبى
ياقرص شمس مالوهش قبة سما
ياوردمن غير ارض شب ونما
يا اى معنى جميل سمعنا عنة
الخلق لية عايشين حياة مؤلمة
وعجبى
شاف الطبيب جرحى وصف لة الامل
وعطانى منة مقام يادوب ما اندمل
مجروح جديد يا طبيب ... وجرحى لهيب
ودواك فرغ منى واية العمل
وعجبى
نظرت فوق للنجوم وانا ساير
رجليا عترت فى الحفر والحجاير
بقيت اقول وانا ع التراب ..ياســــــلام
مش بس عبرة اخدت لكن عباير
وعجبى
يانجم نورك لية كدة بيرتجف؟
هو انت قنديل زيت؟او تختلف
انا نجم عالى ..بس عالى قوى
وكل ما انظر تحت اخاف انحدف
وعجبى
يا طير يا عالى فى السما طظ فيك
متفتكرشى ربنا مصطفيك
برضك بتاكل دود .. وللطين تعود
تمص فية ياحلو ويمص فيك
وعجبى
جالك اوان ووقفت موقف وجود
ياتجود بدة يا قلبى يابدة تجود
ماحد يقدر يبقى على كل شئ
مع ان _عجبى_كل شئ موجود
وعجبى
يامشرط الجراح امانة عليك
وانت فحشايا تبص من حواليك
فية نقطة سودة فقلبى بدات تبان
شيلها كمان والفضل يرجع ليك
وعجبى[center]
حزين انا زيك واية مستطاع
الحزن مبقالهوش جلال يا جدع
الحزن زى البرد زى الصداع
وعجبى
فى يوم صحيت شاعر براحة وصفا
الهم زال والحزن راح واختفى
خدنى العجب ..وسالت روحى سؤال
انا مت ولا وصلت للفلسفة
وعجبى
على بعد مليون ميل من ارضنا
من الفراغ الكونى بصيت انا
لا شفت فرق بين جبال وبحور
ولا شفت فرق مابين عزاب او هنا
وعجبى
انسان ..يا انسان ما اجهلك
مااتفهك فى الكون وما اضالك
شمس وقمر وسدوم وملايين نجوم
وفاكرها يا موهوم مخلوقة لك
وعجبى
السم لو فى الدوا منين يضر ؟
والموت لو عدونا منين يسر؟
حط القلم فى الحبر واكتب كمان
..والعبد للشهوات..منين هو حر؟
وعجبى
وقفت بين شطين على قنطرة
الكدب فين والصدق فين يا ترى
محتار ح اموت..الحوت خرج لى وقال
هو الكلام يتقـــــــــاس بالمسطـرة
وعجبى
كروان جريح مضروب شعاع من القمر
سقط من السموات ..فؤادة انكسر
جريت علية قطة علشان تبلعة
اتارية خيال شعراء وملهوش اثر
وعجبى
كيف شفت قلبى والنبى يا طبيب
همد ومات.. ولا سامع لة دبيب
قاللى لقيتة مختنق بالدموع
ومالوش دوا غير لمسة من ايد حبيب
وعجبى
تسلم يا غصن الخوخ ..يا عود الحطب
ييجى الربيع..تطلع زهورك عجب!
وانا لية بيمضى ربيع وييجى ربيع
ولسة برضك قلبى حتة خشـــــــب
وعجبى
دخل الشتا وقفل البيبان ع البيوت
وجعل شعاع الشمس خيط عنكبوت
وحاجات كتير بتموت فى ليل الشتا
لكن حاجات اكتر بترفض تمــــــــــوت
وعجبى
الدنيا من غير الربيع ميتـــــــــــــة
ورقة شجر ضعفانة ومفتفتـــــــــة
-لا يا جدع غلطان... تامل وشوف
زهر الشتا طالع فى عز الشتــــــــا
وعجبى
يا اللى انت بيتك قش مفروش بريش
تقوى علية الريح..يصبح مفيش
عجبى عليك حواليك مخالب كبار
ومالكش غير منقار وقادر تعيش
******
انا شاب لكن عمرى الف عام
وحيد لكن بين ضلوعى زحام
خايف لكن خوفى منى انا
اخرس لكن قلبى مليان كلام
وعجبى
ياباب يا مقفول ...امتى الدخول
صبرت ياما واللى يصبر ينول
دقيت سنين .. والرد يرجع لى:ميــــــن
لو كنت عارف مين انا كنت اقول
وعجبى
لية يا حبيبتى مابينا دايما سفر
دة البعد زنب كبير لا يغتفر
لية يا حبيبتى مابينا دايما بحور
اعدى بحر الاقى غيرة انحفر
وعجبى
ياقرص شمس مالوهش قبة سما
ياوردمن غير ارض شب ونما
يا اى معنى جميل سمعنا عنة
الخلق لية عايشين حياة مؤلمة
وعجبى
شاف الطبيب جرحى وصف لة الامل
وعطانى منة مقام يادوب ما اندمل
مجروح جديد يا طبيب ... وجرحى لهيب
ودواك فرغ منى واية العمل
وعجبى
نظرت فوق للنجوم وانا ساير
رجليا عترت فى الحفر والحجاير
بقيت اقول وانا ع التراب ..ياســــــلام
مش بس عبرة اخدت لكن عباير
وعجبى
يانجم نورك لية كدة بيرتجف؟
هو انت قنديل زيت؟او تختلف
انا نجم عالى ..بس عالى قوى
وكل ما انظر تحت اخاف انحدف
وعجبى
يا طير يا عالى فى السما طظ فيك
متفتكرشى ربنا مصطفيك
برضك بتاكل دود .. وللطين تعود
تمص فية ياحلو ويمص فيك
وعجبى
جالك اوان ووقفت موقف وجود
ياتجود بدة يا قلبى يابدة تجود
ماحد يقدر يبقى على كل شئ
مع ان _عجبى_كل شئ موجود
وعجبى
يامشرط الجراح امانة عليك
وانت فحشايا تبص من حواليك
فية نقطة سودة فقلبى بدات تبان
شيلها كمان والفضل يرجع ليك
وعجبى[center]
