من طرف عمروعبده الأحد أبريل 29, 2007 12:55 amقبل انتخابات مجلس الشوري «الموقر» سوف تخرج أوامر عليا للشرطة من كل نوع: عاملوا المواطنين كويس في فترة الانتخابات.. يعني يا بتوع المرور ما تسحبوش الرخص..
يابتوع المرافق سيبوا الناس في حالها.. يا بتوع المباحث اهمدوا شوية وبلاش تلموا المواطنين من الشوارع بدون ذنب.. يا بتوع أقسام الشرطة افهموا وخلوا عندكم شوية دم لحد الانتخابات ما تخلص.. وبعدين اهروا بدنهم.. يا بتوع مباحث المخدرات سيبوا الناس تنبسط علشان يرضوا عن الحزب اللي بالي بالك!
وبعد الانتخابات ما تخلص وينجح من ينجح بالطريقة إياها، ويسقط من يسقط برضه بالطريقة إياها.. عينك ما تشوف إلا الضلمة.. تقول عفاريت وطلعت من القمقم!! وحتمًا ولابد يطلعوا علي جتتنا البلا الأزرق.
بتوع التموين يعملوا تجريدة لغلق المحلات بقضايا مضروبة.. بتوع المرور زي ماتقول كانوا نايمين وضربت معاهم نوبة صحيان وهات سحب رخص علي الفاضي والمليان.. بتوع المخدرات الله يصلح حالهم يقفلوا المقاهي وياخدوا الكراسي.. كراسي المعسل.
ويكسروا الشيش علي دماغ القهوجي.. بتوع المباحث الحلوين الطعمين الحقانيين ينزلوا تلطيش في العيال الصيع بتوع الجامعات اللي مش لاقيين شغل، علشان أهاليهم مش عاجبهم حزب الإخوة كرامازوف!
وبتوع المرافق لاسايبين بتاعة جرجير، ولا الولية بتاع عمنا بيرم التونسي، ولا سايبين الحمار بتاع عربية الكرنب.. وكله إقلب في البوكس، كل ده بيحصل بعد الانتخابات.
رغم إننا ورب العزة لا عاوزين انتخابات ولا عاوزين أحزاب.. إحنا بس عاوزين نظام يحكمنا بالعدل مش بالعادلي.
يابتوع المرافق سيبوا الناس في حالها.. يا بتوع المباحث اهمدوا شوية وبلاش تلموا المواطنين من الشوارع بدون ذنب.. يا بتوع أقسام الشرطة افهموا وخلوا عندكم شوية دم لحد الانتخابات ما تخلص.. وبعدين اهروا بدنهم.. يا بتوع مباحث المخدرات سيبوا الناس تنبسط علشان يرضوا عن الحزب اللي بالي بالك!
وبعد الانتخابات ما تخلص وينجح من ينجح بالطريقة إياها، ويسقط من يسقط برضه بالطريقة إياها.. عينك ما تشوف إلا الضلمة.. تقول عفاريت وطلعت من القمقم!! وحتمًا ولابد يطلعوا علي جتتنا البلا الأزرق.
بتوع التموين يعملوا تجريدة لغلق المحلات بقضايا مضروبة.. بتوع المرور زي ماتقول كانوا نايمين وضربت معاهم نوبة صحيان وهات سحب رخص علي الفاضي والمليان.. بتوع المخدرات الله يصلح حالهم يقفلوا المقاهي وياخدوا الكراسي.. كراسي المعسل.
ويكسروا الشيش علي دماغ القهوجي.. بتوع المباحث الحلوين الطعمين الحقانيين ينزلوا تلطيش في العيال الصيع بتوع الجامعات اللي مش لاقيين شغل، علشان أهاليهم مش عاجبهم حزب الإخوة كرامازوف!
وبتوع المرافق لاسايبين بتاعة جرجير، ولا الولية بتاع عمنا بيرم التونسي، ولا سايبين الحمار بتاع عربية الكرنب.. وكله إقلب في البوكس، كل ده بيحصل بعد الانتخابات.
رغم إننا ورب العزة لا عاوزين انتخابات ولا عاوزين أحزاب.. إحنا بس عاوزين نظام يحكمنا بالعدل مش بالعادلي.
